Cofrestru gwasanaeth gofal plant a chwarae

Nid oes rhaid i bob darparwr sy'n cynnig gofal plant, chwarae a gweithgareddau i blant gofrestru ag AGC. Mae Gorchymyn Eithriadau Gwarchod Plant a Gofal Dydd (Cymru) 2010 (Dolen allanol) yn nodi amgylchiadau lle nad yw'n ofynnol cofrestru.

Mae'r angen i chi gofrestru yn dibynnu ar ffactorau fel y canlynol:

• y math o ddarpariaeth
• oriau gweithredu
• cydberthynas â'r plentyn
• ble mae'r gofal yn cael ei roi
• oedran y plant

Bydd angen i chi gofrestru os byddwch yn darparu:

• gofal dydd llawn, gan gynnwys meithrinfeydd dydd
• gofal y tu allan i'r ysgol
• gofal dydd sesiynol, megis cylchoedd chwarae
• crèches
• darpariaeth mynediad agored
• gwasanaethau gwarchod plant

Darllenwch Cofrestru fel darparwr gofal plant: eithriadau (Dolen allanol) ar wefan Llywodraeth Cymru i weld a ydych yn gymwys i gofrestru ag AGC.

I gael rhagor o fanylion ynghylch pwy sydd angen cofrestru a'r broses gofrestru, darllenwch ein canllaw i gofrestru.

Cyn dechrau'r broses gofrestru, dylech ystyried y camau isod yn seiliedig ar y math o wasanaeth rydych yn bwriadu ei gynnig.

Gwasanaethau gofal dydd a chwarae

• Cysylltwch â'ch gwasanaeth gwybodaeth i deuluoedd lleol
• Cysylltwch â'r sefydliad cynnal perthnasol o'r rhestr isod i holi am sefydlu gwasanaeth gofal plant a chwarae:
  • Clybiau Plant Cymru (Dolen allanol)
  • Blynyddoedd Cynnar Cymru (Dolen allanol)
  • Mudiad Meithrin (Dolen allanol)
  • Chwarae Cymru (Dolen allanol)
  • Cymdeithas Genedlaethol Meithrinfeydd Dydd (NDNA) (Dolen allanol)

Cymwysterau a hyfforddiant (gwasanaethau gofal dydd a chwarae)

Mae'r rhestr lawn o gymwysterau ac unedau hyfforddiant y mae'n rhaid i chi ddangos tystiolaeth ohonynt fel rhan o'ch cais i gofrestru ar gael gan y canlynol:

• Gwefan Gofal Cymdeithasol Cymru (Dolen allanol)
• Chwarae Cymru (Dolen allanol)

Gwarchodwyr plant

Os ydych chi'n ystyried bod yn warchodwr plant cofrestredig, mae cymorth ac arweiniad ychwanegol ar gael. Gallwch ddilyn Camau i Gofrestru Coram PACEY Cymru [Dolen allanol] i gael trosolwg llawn o'r broses.

Fel cam cyntaf, dylech fynd i sesiwn friffio. Caiff y rhain eu trefnu fel arfer gan eich gwasanaeth gwybodaeth i deuluoedd lleol neu Coram PACEY Cymru.

Er mwyn gwneud cais i ddod yn warchodwr plant cofrestredig, rhaid i chi fodloni'r canlynol:

• bod o leiaf 16 oed
• meddu ar yr hawl i weithio yn y DU
• gallu gweithio gyda phlant

Cymwysterau a hyfforddiant (Gwarchodwyr plant)

Er mwyn cofrestru fel gwarchodwr plant, rhaid i chi naill ai feddu ar gymhwyster perthnasol neu gwblhau'r ddwy uned hyfforddiant ganlynol:

• Cyflwyniad i ofal plant yn y cartref (Uned 326)
• Paratoi ar gyfer ymarfer gwarchod plant (Uned 327)

Gallwch gadarnhau p'un a yw eich cymhwyster cyfredol yn bodloni'r gofynion, neu gael rhagor o wybodaeth am yr unedau hyfforddiant hyn drwy fynd i dudalen we fframwaith cymwysterau ar gyfer gwarchodwyr plant Gofal Cymdeithasol Cymru.

Bydd angen hyfforddiant gorfodol arnoch hefyd yn y meysydd canlynol:

• Cymorth cyntaf pediatrig
• Diogelu
• Hylendid bwyd

Cysylltwch â gwasanaeth gwybodaeth i deuluoedd eich awdurdod lleol (Dolen allanol) neu Coram PACEY Cymru (Dolen allanol) i gael gwybodaeth am yr hyfforddiant a'r cymorth sydd ar gael yn eich ardal.

Er mwyn cofrestu gwasanaeth ag AGC, mae'n rhaid i chi gyflwyno cais drwy ddefnyddio AGC Ar-lein.

Gall yr asesiad o'r cais gymryd hyd at 3 mis. Yn ystod y cyfnod hwn, byddwn yn gwneud y canlynol:

• asesu eich dogfennaeth
• cynnal asesiad person addas a chyfweliad
• ymweld â'ch cartref neu eich safle i gynnal gwiriad o'r amgylchedd

Os bydd eich cais yn llwyddiannus, byddwch yn cael tystysgrif cofrestru a gallwch ddechrau gweithredu fel gwarchodwr plant cofrestredig. 

Rhaid i bob gwasanaeth cofrestredig gydymffurfio â Rheoliadau Gwarchod Plant a Gofal Dydd (Cymru) 2010 fel y'u diwygiwyd yn 2016, a chyrraedd y Safonau Gofynnol Cenedlaethol ar gyfer gofal plant rheoleiddiedig.

Datganiad o ddiben

Rhaid i chi gyflwyno Datganiad o Ddiben fel rhan o'ch cais. Gallwch ddefnyddio'r templed yn ein Canllawiau ar gyfer Llunio Datganiad o Ddiben neu ddefnyddio eich fformat amgen eich hun, ar yr amod ei fod yn bodloni gofynion Rheoliadau Gwarchod Plant a Gofal Dydd (Cymru) 2010 ac yn cynnwys pob un o'r pwyntiau o dan Safon Ofynnol Genedlaethol 1.2.

Dyma rai adnoddau defnyddiol i'ch cefnogi drwy gydol y broses.

Coram PACEY Cymru

• Beth y mae'r gwarchodwyr plant yn ei wneud? (Dolen allanol)
• Y peth gorau am fod yn warchodwr plant (Dolen allanol)
• Gweminarau Coram PACEY Cymru (Dolen allanol)
• Hyfforddiant Coram PACEY Cymru (Dolen allanol)

Gofalwn Cymru

• Swydd y gwarchodwr plant (Dolen allanol)
• Profiad gwarchodwr plant (Dolen allanol)

Llywodraeth Cymru

• Gwasanaeth gwybodaeth i deuluoedd yr awdurdod lleol (Dolen allanol)

Busnes Cymru

• Canllaw i hunangyflogaeth (Dolen allanol)
• Gwasanaeth Cymorth Busnes Ar-lein (BOSS) (Dolen allanol)

Cyllid a Thollau Ei Fawrhydi (CThEF)

• Tax-free childcare  (Dolen allanol)