Cofrestru gwasanaeth gofal plant a chwarae

• Gwasanaethau gofal a chwarae dydd:
  • gofal dydd llawn, gan gynnwys meithrinfeydd dydd
  • gofal y tu allan i'r ysgol
  • gofal dydd sesiynol, megis cylchoedd chwarae
  • crèches
  • darpariaeth mynediad agored
• Gwarchodwyr plant

I gofrestru gwasanaeth gyda ni, mae'n rhaid i chi gwblhau a chyflwyno cais i gofrestru drwy ddefnyddio AGC Ar-lein (Dolen allanol).

Mae gofyn i chi feddu ar dystysgrif gan y Gwasanaeth Datgelu a Gwahardd (DBS) fel rhan o'r broses hon. Heb dystysgrif gan y DBS, ni fyddwch yn gallu cyflwyno eich cais Gofal Plant a Chwarae. Os nad oes gennych dystysgrif, gallwch ddysgu mwy am sut i wneud cais am wiriad gan y DBS yn yr adran o'n gwefan sy'n trafod gwiriadau gan y DBS.

Cyn i chi ddechrau'r broses gofrestru, dylech ddilyn y camau isod:

Gwasanaethau gofal a chwarae dydd:

• Cysylltwch â'r sefydliad cynnal perthnasol, Clybiau Plant Cymru (Dolen allanol), Blynyddoedd Cynnar Cymru (Dolen allanol), Mudiad Meithrin (Dolen allanol), Chwarae Cymru Dolen allanol) a'r Gymdeithas Genedlaethol Meithrinfeydd Dydd (Dolen allanol), i gael gwybodaeth am sefydlu gwasanaethau gofal plant a chwarae.
• Cysylltwch â'ch Gwasanaeth Gwybodaeth i Deuluoedd lleol (Dolen allanol) a chwblhewch unrhyw hyfforddiant cyn cofrestru.

Gwarchodwyr plant:

• Cysylltwch â'r Gymdeithas Broffesiynol Gofal Plant a Blynyddoedd Cynnar (PACEY) (Dolen allanol) i gael gwybodaeth am ddod yn warchodwr plant.
• Cysylltwch â'ch Gwasanaeth Gwybodaeth i Deuluoedd lleol (Dolen allanol) a chwblhewch yr unedau arbenigol gorfodol ac unrhyw hyfforddiant cyn cofrestru angenrheidiol a drefnir gan yr awdurdod lleol ar gyfer gweithio fel gwarchodwr plant. y

Mae'r rhestr lawn o unedau / cymwysterau sydd eu hangen arnoch fel rhan o'ch cais i gofrestru ar gael ar wefan Gofal Cymdeithasol Cymru (Dolen allanol) neu Chwarae Cymru (Dolen allanol) 

Y prif bethau y dylech eu gwybod gan Gyllid a Thollau Ei Mawrhydi (CThEM) am Ofal plant di-dreth. (Dolen allanol).

Mae'r templed Datganiad o Ddiben a'r Canllawiau sydd wedi'u hatodi isod ar gael i'ch helpu wrth lunio eich Datganiad o Ddiben. Os byddwch yn defnyddio fformat amgen, mae'n rhaid iddo gydymffurfio â Rheoliadau Gwarchod Plant a Gofal Dydd (Cymru) 2010 ac, fel gofyniad sylfaenol, gynnwys gwybodaeth am yr holl bwyntiau o dan Safon Ofynnol Genedlaethol 1.2 o Safonau Gofynnol Cenedlaethol ar gyfer Gofal Plant a Reoleiddir 2010.