Darparu adborth ar Arolygiaeth Gofal Cymru

Caiff unrhyw un, gan gynnwys plentyn neu berson ifanc sydd wedi derbyn neu a oedd â'r hawl i dderbyn gwasanaeth gennym, wneud cwyn.

Byddwch yn eich helpu i wneud eich cwyn, pan fo angen hynny. Cewch hefyd gysylltu â Chomisiynydd Plant Cymru a fydd efallai yn gallu eich helpu.

Cewch wneud cwyn ar ran rhywun arall os ydych yn:

• berson arall sy'n cwyno ar ran rhywun sydd wedi marw;
• rhiant, gwarcheidwad neu rywun arall sy’n cynrychioli plenty;
• cwyno ar ran rhywun nad yw’n gallu gwneud hynny ei hunan (fel y diffinnir gan Ddeddf Galluedd Meddyliol 2005 (1);
• unigolyn y gofynnwyd iddo wneud hynny gan yr unigolyn yr effeithiwyd arno.

Os ydych yn dymuno gwneud cwyn am wasanaeth a ddarperir gan Arolygiaeth Gofal Cymru neu aelod o staff cysylltwch â ni ar 0300 7900 126. Bydd aelod o staff yn llenwi ffurflen gwynion gyda chi.

Neu gallwch lenwi ein ffurflen ar-lein. Pan fyddwn wedi derbyn eich cwyn byddwn yn ei hystyried ac yn ei throsglwyddo i aelod o staff i’w datrys.

Byddwn yn cydnabod eich cwyn o fewn 5 diwrnod gwaith a’n nod yw ei datrys o fewn 10 diwrnod gwaith. Gallai rhai cwynion cymhleth gymryd mwy o amser.

Os nad ydym yn gallu datrys eich cwyn, cewch gysylltu ag Ombwdsmon Gwasanaethau Cyhoeddus Cymru.

Gallwch hefyd gysylltu ag Ombwdsmon Gwasanaethau Cyhoeddus Cymru am amrywiaeth o faterion. Ewch at wefan yr Ombwdsmon (Dolen allanol) am fanylion pellach.

Mae Arolygiaeth Gofal Cymru yn rhan o Lywodraeth Cymru. Dan bolisi cwynion Llywodraeth Cymru, mae’n rhaid i ni nodi a phrosesu cwynion ynglŷn â’r gwasanaeth yr ydym yn ei ddarparu, gan gynnwys ein staff.

Mae mwy o wybodaeth am y polisi ar gael yn adran Cwynion gwefan Llywodraeth Cymru.

Os nad ydych yn cytuno bod ffeithiau mewn adroddiad arolygu gan Arolygiaeth Gofal Cymru yn gywir (gan gynnwys hysbysiadau o ddiffyg cydymffurfiad), dilynwch y broses a nodir yn ein polisi ar gyfer ymateb i adroddiadau arolygu.

Os ydych yn anghytuno â’n cynnig a’n penderfyniad ynglŷn â’ch cofrestriad, mae gennych yr hawl i apelio. Mae’r wybodaeth hon wedi ei nodi yn yr hysbysiad statudol perthnasol.