Graddau ar gyfer cartrefi gofal a gwasanaethau cymorth cartref

Bydd yn ofynnol yn gyfreithiol i'r rhan fwyaf o wasanaethau arddangos eu graddau, ond NID oes yn rhaid i'r gwasanaethau canlynol arddangos poster graddau yn eu gwasanaeth:

• gwasanaethau ar gyfer pobl dan 18 oed
• gwasanaethau bach â 4 preswylydd neu lai
• gwasanaethau cymorth cartref lle:
  • nad yw lleoliad y gwasanaeth yn hygyrch i aelodau o’r cyhoedd
  • darperir y gwasanaeth o gartref preifat unigolyn

Ble y byddwch chi'n gweld graddau?

• ar bosteri mewn cartrefi gofal
• ar wefannau gwasanaethau gofal
• yn adroddiadau arolygu AGC
• ar gyfeiriadur ar-lein AGC

Manteision graddau:

Cipolwg cyflym: Mae graddau yn rhoi syniad i chi ar unwaith o ansawdd y gofal y gallwch ei ddisgwyl gan wasanaeth.

Hyder wrth ddewis: Mae graddau yn ei gwneud hi'n haws i chi ddewis gwasanaeth gofal sy'n addas i chi neu aelod o'ch teulu.

Llywio gwelliant parhaus: Mae graddau yn annog darparwyr gofal i wella eu gwasanaethau, gan sicrhau bod y rhai sy'n cael gofal yn gallu ffynnu.