Darparu adborth neu godi pryder am wasanaethau gofal
Darparu adborth neu godi pryder am wasanaethau gofal.
Rydym yn gwerthfawrogi eich mewnbwn ar wasanaethau gofal yng Nghymru. P'un a hoffech rannu profiad cadarnhaol neu godi pryder, mae eich adborth yn ein helpu i sicrhau ansawdd gofal ledled y wlad.
Mae hefyd yn ein helpu ni i ddeall a yw'r bobl sy'n defnyddio'r gwasanaethau yn cael eu cefnogi i gyflawni'r canlyniadau gorau posibl, ac nad ydynt yn wynebu risg nac yn profi niwed.
Codi pryder am wasanaeth gofal
Os bydd pryder penodol gennych ynghylch diogelwch ac ansawdd gwasanaeth gofal cymdeithasol neu ofal plant a chwarae yng Nghymru, dylech roi gwybod i wasanaeth cofrestredig yn y lle cyntaf. Mae'n ofynnol yn ôl y gyfraith i wasanaethau gael gweithdrefn gwyno hawdd ei defnyddio y mae'n rhaid iddynt ei dilyn.
Os ydych am godi pryder gyda ni am wasanaeth, dewiswch y botwm isod. Byddwn yn edrych ar eich pryder ac yn ystyried pa gamau priodol y dylid eu cymryd gyda'r gwasanaeth gofal. Darllenwch y canllaw cyn codi pryder.
Darparu adborth cyffredinol am wasanaethau gofal
Gall adborth fod am bethau sy'n mynd yn dda, neu am bethau y mae angen eu gwella. Hoffem glywed am bopeth. Yn aml, caiff ei ddarparu gan y bobl sy'n defnyddio ac yn dibynnu ar wasanaethau gofal cymdeithasol neu ofal plant a chwarae yng Nghymru; ynghyd a'u perthnasau, ymwelwyr, staff, gweithwyr proffesiynol, ffrindiau neu gymdogion.
Os hoffech rannu adborth cyffredinol am eich profiad o wasanaeth gofal cymdeithasol neu ofal plant a chwarae yng Nghymru, dewiswch y botwm isod a dewiswch yr opsiwn 'Adborth cyffredinol'. Ceir rhagor o wybodaeth am ein proses adborth yn ein canllaw Darparu adborth am wasanaethau gofal yng Nghymru.
Gwneud cwyn neu godi pryder am wasanaeth cymdeithasol awdurdod lleol
Mae gwasanaethau cymdeithasol awdurdodau lleol yn gyfrifol am ddarparu gwybodaeth, cyngor a chymorth ynghyd ag asesu anghenion pobl am ofal a chefnogaeth ac am drefnu bod gofal a chymorth yn cael ei ddarparu. Gallant hefyd ddarparu'n uniongyrchol amrywiaeth o wasanaethau fel cymorth dydd a gwasanaethau sydd wedi'u cofrestru â ni fel cartrefi gofal.
Os oes gennych gŵyn am y ffordd y mae gwasanaeth cymdeithasol awdurdod lleol yn gweithredu, dylech gysylltu ag ef yn uniongyrchol. Ceir rhagor o wybodaeth am sut y gallwn gefnogi cwynion am wasanaethau awdurdodau lleol yn ein canllaw Darparu adborth am wasanaethau gofal yng Nghymru.
Rydym yn awyddus i glywed gan bobl am eu profiad o'r gwasanaeth a gânt gan yr awdurdod lleol.Bydd hyn yn helpu i lywio ein dealltwriaeth o ba mor dda y mae gwasanaeth cymdeithasol awdurdod lleol yn gweithredu ac i gefnogi'r bobl sy'n ei ddefnyddio.
Os ydych am godi pryder gyda ni am wasanaeth cymdeithasol awdurdod lleol, dewiswch y botwm isod.