Sarah Sharpe

Mewn tref fach yng Nghymru, mae gwarchodwr plant cofrestredig wedi trawsnewid ei lleoliad i greu esiampl ardderchog o amgylchedd cynhwysol a gwrth-hiliol, gan ddangos pŵer dysgu parhaus a meddwl agored wrth ddarparu addysg blynyddoedd cynnar. 

Ar ôl cwblhau hyfforddiant DARPL (Dysgu Proffesiynol Amrywiaeth a Gwrth-hiliaeth), cymerodd y gwarchodwr plant hwn gamau rhagweithiol er mwyn creu amgylchedd mwy cynhwysol. Aeth ati i wneud y canlynol:  

• ailasesu ac amrywio ei hadnoddau, gan gynnwys llyfrau a theganau
• cyflwyno pensiliau lliw croen a doliau rhyngwladol dilys  
• creu arddangosfeydd sy'n dathlu amrywiaeth  
• cyflwyno Tirion, tedi rhywedd-niwtral â mewnblaniad yn y cochlea  
• gosod drychau o gwmpas y lleoliad i ddatblygu ymdeimlad o hunaniaeth ymhlith y plant
• cynnal trafodaethau agored am wahaniaethau a chynwysoldeb  
• rhoi hyfforddiant ar waith i gefnogi datblygiad cymdeithasol ac emosiynol  

Mae'r astudiaeth achos hon yn pwysleisio pŵer datblygiad proffesiynol a'r effaith gadarnhaol y gall hyn ei chael ar leoliadau'r blynyddoedd cynnar. Drwy groesawu arferion gwrth-hiliol a hyrwyddo amrywiaeth, mae'r gwarchodwr plant hwn wedi creu amgylchedd lle gall y plant ffynnu, dysgu, a datblygu sgiliau hanfodol i greu cymdeithas fwy cynhwysol. 

• mae'r plant bellach yn teimlo'n gyfforddus wrth ofyn cwestiynau am wahaniaethau
• maent yn bwrw ati i ddathlu amrywiaeth ymysg ei gilydd 
• mae'r lleoliad yn hyrwyddo empathi, tosturi, a datblygiad cymdeithasol ac emosiynol
• mae'r plant yn datblygu sgiliau i addysgu eraill am gynwysoldeb
• mae'r gwarchodwr plant wedi meithrin hyder wrth ymdrin â sgyrsiau anodd 
• mae'r amgylchedd bellach yn hyrwyddo gwrth-hiliaeth ar gyfer cenedlaethau'r dyfodol