Aelod o'r Bwrdd Cynghori Cenedlaethol
Pwy ydw i?
Claire Protheroe ydw i, Rheolwr Cenedlaethol Cymru i PACEY Cymru, y Gymdeithas Broffesiynol ar gyfer Gofal Plant a'r Blynyddoedd Cynnar.
Beth ydw i'n ei wneud?
Rwy'n arwain ac yn rheoli gwaith PACEY yng Nghymru sy'n cynnwys meithrin a chynnal cydberthnasau strategol â phartneriaid allweddol a darparu arweinyddiaeth a sgiliau cynllunio busnes i'r sefydliad yng Nghymru mewn llawer o feysydd allweddol. Rwyf hefyd yn cynrychioli consortiwm Cwlwm ar y Bwrdd Cynghori Cenedlaethol.
Fy meysydd diddordeb a/neu brofiad
Mae gen i sawl blwyddyn o brofiad yn y sector gofal plant a'r blynyddoedd cynnar ac rwyf wedi ymgymryd ag amrywiaeth o swyddi yn y sector, gan gynnwys gweithio fel gwarchodwr plant cofrestredig a helpu lleoliadau mewn ffordd ymarferol cyn symud i swyddi ar lefel fwy strategol.
Beth sy'n bwysig i fi
- Sicrhau bod y sector gofal plant a chwarae yn cael ei gynrychioli ac y caiff ei lais ei glywed.
- Helpu AGC i ymgysylltu â'r sector er mwyn sicrhau dull gweithredu cyson, agored a thryloyw.
- Dylanwadu ac ysgogi gwelliannau.
- Rhannu arferion da er mwyn helpu i wella ansawdd.