Ni yw rheoleiddiwr annibynnol gofal cymdeithasol a gofal plant yng Nghymru.
Rydym yn cofrestru, arolygu a gweithredu i wella ansawdd a diogelwch gwasanaethau er llesiant pobl Cymru.
Yr hyn rydym yn ei wneud
- Rydym yn cyflawni swyddogaethau ar ran Gweinidogion Cymru
- Rydym yn penderfynu pwy all ddarparu gwasanaethau
- Rydym yn arolygu ac yn gyrru gwelliant mewn gwasanaethau a reoleiddir a gwasanaethau cymdeithasol awdurdodau lleol
- Rydym yn cynnal adolygiadau thematig o wasanaethau gofal cymdeithasol
- Rydym yn cymryd camau gweithredu er mwyn sicrhau bod gwasanaethau'n bodloni gofynion deddfwriaethol a rheoleiddiol
- Rydym yn archwilio pryderon a leisir ynglŷn â gwasanaethau a reoleiddir
Ein gwerthoedd craidd
Mae ein gwerthoedd craidd yn sicrhau bod pobl wrth galon popeth a wnawn a phopeth yr ydym yn dyheu am ei fod fel sefydliad.
- Gonestrwydd: rydym yn onest a gellir ymddiried ynom
- Parch: rydym yn gwrando, yn gwerthfawrogi eraill, ac yn eu cynorthwyo
- Gofalgar: rydym yn dosturiol ac yn gyfeillgar
- Teg: rydym yn gyson, yn ddiduedd, ac yn gynhwysol
- Proffesiynol: rydym yn fedrus, yn wybodus, ac yn arloesol
Gwasanaethau yr ydym yn eu rheoleiddio a’u harolygu
- Cartrefi gofal – gan gynnwys y rheini sy'n darparu gwasanaethau cartref gofal ar gyfer plant neu oedolion
- Gwasanaeth cymorth cartref – gwasanaeth sy'n gallu darparu gofal yn eich cartref eich hun yn ogystal â chymorth cyffredinol
- Cynlluniau lleoli oedolion
- Gwarchodwyr plant
- Gofal dydd plant
- Gofal dydd llawn
- Gofal dydd sesiynol
- Meithrinfa
- Gofal y tu allan i’r ysgol
- Darpariaeth chwarae mynediad agored
- Asiantaethau maethu annibynnol
- Asiantaethau mabwysiadu gwirfoddol
- Gwasanaethau canolfannau preswyl i deuluoedd
- Gwasanaethau cymorth mabwysiadu
Rydym hefyd yn arolygu ysgolion preswyl, ysgolion arbennig preswyl, a cholegau addysg bellach sy'n rhoi llety i fyfyrwyr sy'n iau na 18 oed, ond nid ydym yn eu cofrestru.
Sut ydym yn cyflawni ein swyddogaethau
Rydym yn cyflawni ein swyddogaethau ar ran Gweinidogion Cymru o dan y ddeddfwriaeth ganlynol:
- Deddf Gwasanaethau Cymdeithasol a Llesiant (Cymru) 2014 (Dolen allanol) sy’n rhoi pwerau i adolygu’r ffordd y mae awdurdodau lleol yn cyflawni eu swyddogaethau gwasanaethau cymdeithasol;
- Deddf Rheoleiddio ac Arolygu Gofal Cymdeithasol (Cymru) 2016 ("Deddf 2016") (Dolen allanol) sy'n disodli'r pwerau o dan Ddeddf 2000. Bydd angen i rai gwasanaethau gofal ailgofrestru gyda ni o ganlyniad i newidiadau yn y gyfraith.
- Deddf Safonau Gofal 2000 (Dolen allanol) (hyd nes ail-gofrestrir yr holl ddarparwyr gofal cymdeithasol rheoleiddiedig o dan Ddeddf 2016, o 2 Ebrill 2018 ymlaen), Deddf Mabwysiadu a Phlant 2002 (Dolen allanol) a Mesur Plant a Theuluoedd (Cymru) 2010 (Dolen allanol) sy'n rhoi pwerau i gofrestru ac/neu i arolygu darparwyr gwasanaethau gofal cymdeithasol yng Nghymru.
Rydym yn rheoleiddio gwasanaethau gofal cymdeithasol a’r blynyddoedd cynnar gan ddefnyddio’r rheoliadau a’r safonau gofynnol cenedlaethol a luniwyd gan Gynlluniad Cenedlaethol Cymru a Llywodraeth Cymru. Mae’r rheoliadau yn ein galluogi i reoleiddio ymddygiad darparwyr yng Nghymru.
