Plant a phobl ifanc â phrofiad o fod mewn gofal yn helpu i lywio'r canllawiau ar agor cartrefi plant o safon yng Nghymru

Mae'r canllawiau wedi'u dylunio i sicrhau bod gan sefydliadau sy'n bwriadu agor cartref plant yng Nghymru ddealltwriaeth dda o'r hyn sy'n bwysig i bobl ifanc.

Gwnaethom ofyn i'r Comisiynwyr Ifanc, grŵp o tua 60 o blant a phobl ifanc rhwng 6 a 19 oed sy'n byw gyda theulu maeth neu mewn cartref plant yng Nghymru, i feddwl am y canlynol:

• Beth sy'n gwneud i dŷ deimlo fel cartref.
• Beth yw maint cartref da a faint o blant ddylai fyw gyda'i gilydd.
• Sut ddylai cartref da edrych ar y tu mewn, gan gynnwys eu barn am yr ystafelloedd unigol a'r ardaloedd a rennir.
• Sut ddylai cartref da edrych ar y tu allan, gan gynnwys y gerddi a'r ardaloedd awyr agored.
• Ble dylid lleoli cartref da a beth ddylai fod ar gael yn y gymuned gyfagos.

Gallwch ddarllen awgrymiadau gwych y Comisiynwyr Ifanc drwy'r ddolen ar waelod y dudalen hon.