Yn galw ar bob gwasanaeth oedolion a phlant – mae'r ffenestr ar gyfer eich Datganiad Blynyddol bellach ar agor
Y dyddiad cau ar gyfer cyflwyno'r datganiad yw 26 Mai 2024.
Mae'r Datganiad Blynyddol bellach ar gael i Unigolion Cyfrifol ar gyfer gwasanaethau oedolion a phlant ei gwblhau gan ddefnyddio eu cyfrif AGC Ar-lein (Dolen allanol).
Beth yw Datganiad Blynyddol?
Ffurflen ar-lein yw'r Datganiad Blynyddol y mae'n rhaid i'r darparwyr gwasanaethau oedolion a phlant canlynol ei chwblhau bob blwyddyn:
- Gwasanaethau cartrefi gofal
- Gwasanaethau cymorth cartref
- Gwasanaethau llety diogel
- Gwasanaethau canolfannau preswyl i deuluoedd
- Gwasanaethau maethu rheoleiddiedig
- Gwasanaethau mabwysiadu rheoleiddiedig
- Gwasanaethau eirioli rheoleiddiedig
- Gwasanaethau lleoli oedolion
Beth rydym yn ei wneud â'r data?
Mae'r wybodaeth y mae darparwyr yn ei rhoi i ni drwy gyflwyno eu Datganiad Blynyddol yn ein helpu i gynllunio ein harolygiadau a rhoi'r help a'r cymorth cywir i'r bobl sydd ei angen fwyaf. Caiff y data o bob cwr o Gymru eu coladu a'u gwneud yn ddienw a'u cyhoeddi'n ddiweddarach yn 2024. Gallwch edrych ar ddata'r llynedd ar ein tudalen offer data.
Gwybodaeth bwysig i bob gwasanaeth oedolion a phlant:
- Os ydych yn rhedeg gwasanaeth oedolion neu blant, mae'n ofyniad cyfreithiol i chi gwblhau eich Datganiad Blynyddol erbyn 26 Mai 2024.
- Bydd angen cyfrif AGC Ar-lein arnoch i gwblhau eich Datganiad Blynyddol.
- Dylai'r Unigolyn/Unigolion Cyfrifol neu'r swyddog/swyddogion sefydliadol sydd wedi actifadu ei gyfrif/eu cyfrif AGC Ar-lein gwblhau a chyflwyno'r Datganiad Blynyddol.
- Os nad oes gennych gyfrif AGC Ar-lein, mae angen i chi weithredu ar frys:
- ewch i AGC Ar-lein neu (Dolen allanol) ffoniwch ni ar 0300 7900 126 a dewiswch opsiwn 4
Cymorth a chanllawiau
Rydym wedi creu fideo byr sy'n dangos sut i gwblhau eich Datganiad Blynyddol, yn ogystal â chyfarwyddiadau sylfaenol i'ch helpu. Mae'r rhain ar gael ar ein tudalen Cyflwyno Datganiad Blynyddol.