Rydym wedi cyhoeddi ein Cod Ymarfer wedi’i ddiweddaru ar gyfer ein gweithgarwch arolygu awdurdodau lleol

Cyhoeddwyd fersiwn flaenorol ein Cod Ymarfer yn 2019. Mae’r fersiwn newydd yn esbonio sut rydym wedi cyflwyno gwiriadau sicrwydd o awdurdodau lleol i’n galluogi i feithrin dealltwriaeth sylfaenol o’r hyn sy’n digwydd ym mhob awdurdod lleol. Roeddem yn arfer cyfeirio at hyn fel ‘gweithgaredd â phwyslais penodol’. Mae canlyniadau'r gwiriadau hyn bellach yn cael eu cyhoeddi, er mwyn gwella tryloywder.

Mae mathau eraill o weithgarwch yn cynnwys arolygiadau gwerthuso perfformiad a gwiriadau gwella.

Rydym wedi profi, dysgu, addasu a gwella ein dull dros yr ychydig flynyddoedd diwethaf, gan ddilyn un o’n hegwyddorion arweiniol, sef gweithredu ar sail gwybodaeth.

Rydym yn adrodd ar ymarfer da; yr hyn y mae'n rhaid ei wella (lle nad yw awdurdodau lleol yn cyflawni eu dyletswyddau statudol); a beth y dylid ei wella.

Gallwch gael gwybod mwy drwy ddarllen ein Cod Ymarfer ar dudalen arolygu awdurdodau lleol ein gwefan.  Fel arall, gwyliwch y fideo byr isod i ddarganfod pa newidiadau rydym wedi'u gwneud.