Rydym yn dathlu 20 mlynedd. Helpwch ni i ddathlu!
I nodi ein pen-blwydd, rydym am ddathlu bod yn arolygiaeth gofal CYMRAEG trwy gynnal ein Heisteddfod fach ein hunain a hoffem wahodd darparwyr i ymuno â ni.
Mae hyn yn enwedig o addas gan fod heddiw hefyd yn nodi canmlwyddiant Urdd Gobaith Cymru'n cael ei sefydlu er mwyn rhoi cyfleoedd i blant a phobl ifanc yng Nghymru ddysgu a chymdeithasu yn Gymraeg. A hwnnw’n 100 mlwydd oed, mae wedi bod yma tipyn yn fwy na ni!
Cynhaliwch eich Eisteddfod eich hun
Byddem wir yn ei werthfawrogi’n pe gallai cartrefi gofal a darparwyr gofal plant ein helpu drwy gynnal eich Eisteddfod eich hun i ddathlu’r iaith Gymraeg a’i diwylliant, a rhannu eich cais buddugol neu gollage o’ch cynigion gyda ni (gall y rhain fod yn Gymraeg neu yn Saesneg).
Gobeithiwn y byddwch yn gwahodd y bobl sy’n defnyddio eich gwasanaeth i gymryd rhan drwy wneud un (neu bob un!) o’r canlynol:
- Tynnu llun o rhywbeth/rhywle sy'n symboleiddio Cymru ichi – a dywedwch pam wrthym.
- Tynnu llun neu baentio llun o rywbeth sy'n symboleiddio Cymru ichi – a dywedwch pam wrthym.
- Ysgrifennu stori neu gerdd am yr hyn y mae Cymru yn ei olygu ichi.
Ein nod yw arddangos gymaint o'r ceisiadau â phosibl ar ein gwefan fel rhan o ddathliadau ein pen-blwydd yn 20 oed.
Y dyddiad cau yw 1 Mawrth 2022 a dylid anfon ceisiadau dros yr e-bost at AGCCyfathrebu@llyw.cymru wedi'u nodi ‘Eisteddfod’.
Preifatrwydd a chaniatadau
Sicrhewch fod gennych y caniatâd cywir i rannu eich gweithiau celf gyda ni. Gallwch ddarllen ein hysbysiad preifatrwydd ar ein gwefan am ragor o wybodaeth.